Lykilskilaboð fyrir hjúkrunarfræðinga

upplýsingaefni helstu skilaboð verkfærasettsefni

Verkefni

1.    Þú ert í lykilstöðu til að bæta notkun sýklalyfja með samstarfi við stýrihóp um sýklalyf [96].

2.    Verkefni ykkar hvað varða bætta notkun á sýklalyfjum eru m.a. [31,96,97] [samhljóða sérfræðiálit]:
a)    Gjöf sýklalyfja til sjúklinga í samræmi við fyrirmæli;
b)    Samræma töku og sendingu sýna í sýklarannsókn og svörun niðurstaðna aftur til læknis;
c)    Tilkynna um aukaverkanir sýklalyfja til lækna og viðeigandi endurskoðunarnefnda;
d)    Koma á samskiptum á milli lækna, apóteks, rannsóknarstofu, útskriftarteyma, sérfræðinga og sjúklinga;  
e)    Veita sjúklingum og fjölskyldum þeirra upplýsingar um meðferðir; 
f)    Fylgjast með stöðu sjúklings á sólarhringsfresti; og
g)    Stjórna sýklalyfjabirgðum á þinni vakt og tryggja rekjanleika sýklalyfjanotkunar [samhljóða sérfræðiálit].

Atriði sem þú getur gert, eða átt í samstarfi um

3.    Bæta aðferðir sýklalyfjastjórnunar í samstarfi við lækna og lyfjafræðinga [96,97].

4.    Beita aðferðum og leiðbeiningum sýkingavarna sem eru til staðar í þínu umhverfi [samhljóða sérfræðiálit].

5.    Gakktu úr skugga um að sjúklingarnir (og fjölskyldur þeirra) skilji ástæðu meðferðar með sýklalyfjum og helstu atriði sem tengjast notkun sýklalyfja, þ.m.t. að [31,69] [samhljóða sérfræðiálit]: 
e)    Taka inn sýklalyf nákvæmlega eins og þeim er ávísað; 
f)    Aldrei geyma sýklalyf til seinni tíma nota;
g)    Aldrei nota afgang af sýklalyfjum frá fyrri meðferð; og 
h)    Aldrei gefa öðrum afgangssýklalyf.

6.    Gakktu úr skugga um að sýnataka fari rétt fram og sé send í ræktun á tilraunastofu, áður en sýklalyfjameðferðin hefst [31,42,70]. 

7.    Sjáðu til þess að allar rannsóknaniðurstöður berist sem fyrst til viðeigandi meðferðarlæknis [samhljóða sérfræðiálit].

8.    Fáðu útgefendur lyfseðla til að skrásetja ákvörðun endurskoðunar fyrir alla sjúklinga á sýklalyfjum eftir 48-72 klst. [31,42,69].

9.    Láttu útgefanda lyfseðils eða lyfjafræðing vita ef þú sérð sjúkling með ávísun fyrir sýklalyfjameðferð sem hefur farið fram yfir sjö daga og er án tilgreindrar tímalengdar [69].

10.    Ef þú sérð samstarfsfólk á sjúkrahúsi eða heilbrigðisstofnun brjóta gegn viðmiðunarleiðbeiningum eða aðferðarlýsingum, spurðu af hverju það gerði það og láttu það fá upplýsingar til þess að það geri sér grein fyrir mistökum sínum [69] [samhljóða sérfræðiálit]. 

11.    Taktu reglulega þátt í námskeiðum og fundum um skynsamlega  sýklalyfjanotkun, sýnatöku og sýkingavarnir og -stjórnun [53,96].